વસઈ-ભાઈંદર ખાડી પર મહારાષ્ટ્રનો પ્રથમ ડબલ-ડેકર પુલ: મેટ્રો અને વાહન વ્યવહાર માટે અનોખી રચના, ધારાસભ્ય ક્ષિતિજ ઠાકુરના પ્રયત્નોથી શક્ય

મહારાષ્ટ્રમાં એક મહત્વકાંક્ષી બાંધકામ પ્રોજેક્ટ હેઠળ વસઈ-ભાઈંદર ખાડી પર રાજ્યનો પ્રથમ ડબલ-ડેકર પુલ બનવાનો છે. આ અનોખી પુલમાં ઉપર મેટ્રો ટ્રેન અને નીચે વાહન વ્યવહાર માટે માર્ગ હશે, જે રાજ્યમાં એક મહત્ત્વનું ઔદ્યોગિક ચમત્કાર બની શકે છે. મુંબઈ મેટ્રોપોલિટન રીજન ડેવલપમેન્ટ ઓથોરિટી (MMRDA) એ આ પ્રોજેક્ટને મંજૂરી આપી છે, જે વસઈ ક્ષેત્રમાં કનેક્ટિવિટી સુધારવામાં મહત્ત્વની ભૂમિકા ભજવશે. વસઈના ધારાસભ્ય ક્ષિતિજ ઠાકુરના પ્રયત્નોથી આ મહત્ત્વપૂર્ણ પ્રોજેક્ટ શક્ય બન્યો છે.

મેટ્રો રૂટ 13: વસઈ-વિરાર અને મીરા-ભાઈંદરને જોડવાનું કામ

વસઈ અને વિરારમાં વધતી જતી વસ્તી અને શહેરીકરણને ધ્યાનમાં રાખીને મેટ્રો રૂટ 13 ની જાહેરાત કરવામાં આવી હતી, જે મીરા-ભાઈંદરને વસઈ-વિરાર સાથે જોડશે. 23 કિમી લાંબા આ મેટ્રો રૂટમાં 20 સ્ટેશનોનો સમાવેશ થાય છે, જેનાથી આ વિસ્તારના રહેવાસીઓને સાર્વજનિક પરિવહનના વિકલ્પોમાં વધારો થશે. વસઈ-ભાઈંદર ખાડી પર ડબલ-ડેકર પુલ બાંધવાનો વિચાર મેટ્રોને વિસ્તૃત કરવા અને વાહન વ્યવહારને સરળ બનાવવા માટે  સમાધાન રૂપે સામે આવ્યો હતો. આ પુલ માટે ધારાસભ્ય ક્ષિતિજ ઠાકુરે મુખ્ય ભૂમિકા ભજવીને વહીવટતંત્ર સાથે સતત પત્રવ્યવહાર કર્યો હતો. 

એક ઔદ્યોગિક ચમત્કાર: ડબલ-ડેકર પુલ

ડબલ-ડેકર પુલ મહારાષ્ટ્રમાં પ્રથમ પ્રકારનો હશે, જેમાં ઉપર મેટ્રો ટ્રેન અને નીચે વાહન વ્યવહાર માટે માર્ગ હશે. આ અનોખી ડિઝાઇનથી દરરોજના ટ્રાફિક જામમાં ઘટાડો કરશે. મેટ્રો અને રસ્તા પરના મુસાફરો માટે વધુ સરળ બનશે. પુલની આ રચનાથી સમય અને સંસાધનોની બચત થશે. વસઈ-ભાઈંદર ખાડી પરનો ડબલ-ડેકર પુલ મહારાષ્ટ્ર માટે એક ઔદ્યોગિક ચમત્કાર બની રહેશે, જે મેટ્રો અને વાહનવ્યવહાર બન્ને માટે એક મહત્વપૂર્ણ કડી પૂરી પાડશે.

MMRDA અને DMRCની ભૂમિકા

દિલ્હી મેટ્રો રેલ કોર્પોરેશનને આ પ્રોજેક્ટ માટે સલાહકાર તરીકે નિયુક્ત કરવામાં આવી છે. હાલમાં, મીરા-ભાઈંદરમાં મેટ્રો લાઇનનું નિર્માણ કાર્ય ચાલી રહ્યું છે અને વસઈ-વિરાર મેટ્રો લાઇનને તે જ લાઇન સાથે જોડવામાં આવશે. એથી ભાઈંદર ખાડીમાં પ્રસ્તાવિત બ્રિજ અને મેટ્રો એક જ જગ્યાએથી પસાર થશે.

આર્થિક વિકાસ થશે

ડબલ-ડેકર પુલ અને મેટ્રો રૂટ-13ના એકીકરણથી વસઈ-ભાઈંદર વિસ્તારના આર્થિક વિકાસમાં મહત્વનો વધારો થવાની અપેક્ષા છે. આ પ્રોજેક્ટ પરિવહનમાં સુધારો લાવશે અને એની સાથે મુખ્ય શહેરી કેન્દ્રો વચ્ચે કનેક્ટિવિટી વધારવાથી સ્થાનિક અર્થતંત્રને પણ બળ આપશે. ભૂતપૂર્વ મેયર નારાયણ માનકરે જણાવ્યું કે, પુલની અનોખી ડિઝાઇનથી ખર્ચમાં પણ બચત થશે અને મુસાફરોને સરળ, ઝડપી મુસાફરીનો અનુભવ થશે.

ધારાસભ્ય ક્ષિતિજ ઠાકુરને શ્રેય

આ મહત્ત્વપૂર્ણ પ્રોજેક્ટની સફળતાનું મુખ્ય શ્રેય ધારાસભ્ય ક્ષિતિજ ઠાકુરના સમર્પણ અને અવિરત પ્રયાસોને જાય છે. એમણે પ્રોજેક્ટને આગળ વધારવા અને જરૂરી મંજૂરી મેળવવામાં મુખ્ય ભૂમિકા ભજવી છે, જેના કારણે આ મહત્ત્વાકાંક્ષી ઔદ્યોગિક સ્વપ્નને વાસ્તવિક બનાવવું શક્ય બન્યું છે. વસઈ-ભાઈંદર વિસ્તારમાં લાંબા ગાળાના વિકાસ પર ધ્યાન કેન્દ્રિત કરીને, તેમણે તેમના મતવિસ્તારના લોકોના જીવનની ગુણવત્તામાં સુધારો લાવવા માટે પ્રતિબદ્ધતા દર્શાવી છે.