રાજકોટમાં કેન્સર વોરિયર્સ, નવરાત્રિ ઉત્સવ 2024માં 3000 કેન્સર વોરિયર્સ ગરબે ઘૂમ્યા- સૌથી કઠોર ધર્મ એ માનવ સેવા અને તેની સારવારનો છે: મોરારી બાપુ

By The Journalists

Algeria. 03 Oct 2024. 06:42 PM. 5 mins to read

રાજકોટમાં કેન્સર વોરિયર્સ, નવરાત્રિ ઉત્સવ 2024માં 3000 કેન્સર વોરિયર્સ ગરબે ઘૂમ્યા- સૌથી કઠોર ધર્મ એ માનવ સેવા અને તેની સારવારનો છે: મોરારી બાપુ

રાજકોટ/અમદાવાદ : રાજકોટમાં કેન્સર વોરિયર્સ નવરાત્રિ ઉત્સવ 2024માં 3000 કેન્સર વોરિયર્સ ગરબે ઘૂમ્યા. દેશમાં પહેલીવાર રાજકોટમાં સમગ્ર ગુજરાતમાંથી 3000 કરતા વધુ કેન્સર વોરિયર્સ તેમજ તેમના પરિવારજનો એકસાથે ગરબે ઘૂમ્યા હતા. કેન્સર એટલે કેન્સલ નહીં. કેન્સર મટી શકે છે, કેન્સરને હરાવી શકાય છે. કેન્સર સામે જિંદગીનો જંગ જીતી શકાય છે તેવો મેસેજ આપી કેન્સર યોદ્ધાઓ ગરબે ઘૂમી માતાજીની આરાધના કરી હતી. 108 કેન્સરગ્રસ્ત બહેનોએ દેવી કવચની સ્તુતિ સાથે શક્તિનો શંખનાદ કરી જુસ્સો દેખાડ્યો હતો.

કેન્સર વોરિયર્સમાં જોમ જુસ્સો વધારવા અને સમાજમાં કેન્સર પ્રત્યે જાગૃતતા લાવવા કેન્સર કેર ફાઉન્ડેશન દ્વારા રાજકોટમાં ક્લબ યુવીના સહયોગથી સંત મોરારી બાપુની વિશેષ ઉપસ્થિતિમાં ‘કેન્સર વોરિયર્સ નવરાત્રિ ઉત્સવ 2024’નું આયોજન કર્યું છે. જેમાં કુલ 3000થી વધુ કેન્સર વોરિયર્સે ગરબે ઘૂમી કેન્સરને હરાવવા શક્તિનો શંખનાદ કરી કેન્સરના જંગમાં જીતનો જુસ્સો દર્શાવ્યો હતો.

કેન્સર કેર ફાઉન્ડેશનના અશ્વિન સોલંકીએ જણાવ્યું હતું કે, કેન્સર અંગે જાગૃતિ લાવવા તથા કેન્સર વોરિયર્સમાં આશા તથા જોમ ભરવા કેન્સર કેર ફાઉન્ડેશન સતત કાર્યરત છે. મેં મહિનામાં ફેશન શો કર્યા બાદ 2 ઓક્ટોબરે દેશમાં પ્રથમ વખત અનોખા કેન્સર વોરિયર્સ નવરાત્રિ ઉત્સવનું આયોજન કરવામાં આવ્યું હતું. રાજકોટમાં ન્યૂ 150 ફૂટ રિંગ રોડ પર ક્લબ યુવી ખાતે નવરાત્રિ મહોત્સવ યોજાયો. જેમાં સમગ્ર ગુજરાતના 3000 થી વધુ કેન્સરગ્રસ્ત ભાઇઓ, બહેનો અને બાળકોએ ભાગ લીધો હતો અને ગરબે ઘૂમી કેન્સર સામે જીતનો જુસ્સો દર્શાવ્યો હતો. આ તકે 108 કેન્સરગ્રસ્ત બહેનો દ્વારા દેવી કવચની સ્તુતિનું પઠન કરવામાં આવ્યું હતું. આ ઉપરાંત ગરીબ પરિવારની 700 જેટલી દીકરીઓને સર્વાઈકલ વેક્સિનેશ માટેના ગિફ્ટ વાઉચર નિઃશુલ્ક આપવામાં આવ્યા હતા અને કેન્સરને આગળ વધતું અટકાવવા નાનકડો પ્રયાસ કરવામાં આવ્યો છે.

આ તકે કથાકાર મોરારી બાપુએ કેન્સર વોરિયર્સ માટે કાર્યરત આ સંસ્થાને અભિનંદન પાઠવીને જણાવ્યું હતું કે, સૌથી કઠોર ધર્મ એ માનવ સેવા અને તેની સારવારનો છે. આ ધર્મનું બખૂબી નિર્વાહન ફાઉન્ડેશન દ્વારા થઈ રહ્યું છે, તેની પ્રસન્નતા વ્યક્ત કરું છું. કેન્સર વોરિયર દવા-સારવાર સાથેસાથે પોતાનું આત્મબળ અને પ્રાણબળ વધારે તેવી ભગવાનને પ્રાર્થના કરું છું. મોરારિ બાપુએ કેન્સર ઉપર લખાયેલા બંને પ્રેરણાત્મક પુસ્તકો એક 'વ્યસન કેન્સર' લાઇફ સ્ટોરી અને કીન્તસુંગી ટેલ્સ લોકાર્પિત કરીને સંસ્થાને શુભેચ્છા પાઠવી પ્રોત્સાહન આપ્યું હતું.

નેશનલ

પ્રધાનમંત્રી મોદી બ્રિક્સ શિખર સંમેલન માટે આજે રશિ...

નવી દિલ્હી : પ્રધાનમંત્રી નરેન્દ્ર મોદી 16મા બ્રિક્સ શિખર સંમેલન માટે આજે રશિયા ગમશે। તેમની આ મુલાકાત દરમિયાન તેઓ બ્રિક્સ સમૂહના નેતાઓ અને અન્ય આમંત્રિત મહેમાનો સાથે દ્વિ...

ભારતનું સૌથી મોટું “ગ્રીનફિલ્ડ ઇન્ડસ્ટ્રીયલ સ્માર્...

અમદાવાદ : દેશના વિકાસનું ગ્રોથ એન્જિન એટલે ગુજરાત. ભારતમાં ઔદ્યોગિક ક્ષેત્રે ગુજરાત મોખરાનું સ્થાન ધરાવે છે. વડાપ્રધાન નરેન્દ્ર મોદીના “વિકસિત ભારત@2047ના સ્વપ્નને સાકાર ...

બમ ધમકીના કારણે લંડન-મુકાબલાની વિસ્તારા ઉડાણને ફ્ર...

નવી દિલ્હી : દિલ્હીથી લંડન-મુકાબલાની વિસ્તારા ઉડાણને શુક્રવારે બમ ધમકીના કારણે ફ્રાંકફર્ટ તરફ વળવામાં આવી. એરલાઇનના પ્રવક્તાએ જણાવ્યું કે ઉડાણ ફ્રાંકફર્ટ હવાઈ બંદરે સુરક્...

પ્રધાનમંત્રી મોદી આજે નવી દિલ્હી માં 'કર્મયોગી સપ્...

નવી દિલ્હી : પ્રધાનમંત્રી નરેન્દ્ર મોદી આજે સવારે લગભગ 10:30 વાગ્યે નવી દિલ્હીના ડૉ. આમ્બેડકર આંતરરાષ્ટ્રીય કેન્દ્રમાં કર્મયોગી સપ્તાહ - રાષ્ટ્રીય શિક્ષણ સપ્તાહ નું શુભ...

Xplore More In India